Bu gün Fransa Senatının ölkəmizə qarşı irəli sürdüyü qətnamə layihəsi səsverməyə çıxarılacaq. Qətnamə müəllifləri ölkəmizi təcavüz aktlarında, kütləvi hərbi cinayətlərdə və irqçilikdə ittiham ediblər. Sumqayıt24 bu haqda Azfront-a istinadən xəbər verir.
Paris vaxtı ilə saat 10:00-da (Bakı vaxtı ilə 13:00) Senatın qarşısında Azərbaycan diasporu nümayəndələrinin etiraz aksiyası keçiriləcək. Eyni zamanda İrevanda Opera Teatrının yaxınlığında bu qətnaməyə dəstək aksiyası keçiriləcək. Səsvermə proseduru Senatda böyük ekranda yayımlanacaq.
Paris vaxtı ilə saat 14:30-da (Bakı vaxtı ilə 17:30) Senatda Azərbaycan əleyhinə qətnamə layihəsi səsə qoyulacaq.
Paris vaxtı ilə saat 17:30-da (Bakı vaxtı ilə 20:30) Senatın qarşısında erməni diasporu nümayəndələrinin nümayişi keçiriləcək. İştirakçılar Senat üzvlərinə dəstək və təşəkkürlərini bildirmək niyyətindədirlər.
Xatırladaq ki, oktyabrın 11-i soydaşlarımız Azərbaycan xalqı adından Fransanın Mesopinons.com petisiya saytında müraciət yerləşdiriblər. Bu günə kimi 125.000-dən çox imza toplayan petisiya hələ də Fransa tərəfindən diqqətdən kənar qalır.
