Azərbaycanın keçmiş prezidenti və ümummilli lideri Heydər Əliyevin 24 may 1998-ci il tarixli sərəncamına əsasən, 1918-ci ildə Azərbaycan Demokratik Respublikası Daxili İşlər Nazirliyinin tərkibində ilk polis orqanlarının təsis edildiyi gün - 2 iyul Azərbaycam Polisi Günü elan edilmişdir.
Azərbaycan Daxili İşlər Nazirliyinin, Azərbaycan Polisinin şəxsi heyəti suverenliyimiz, ərazimizin bütövlüyü uğrunda erməni terrorçuları və separatçılarına qarşı savaşlarda 1695 nəfər şəhid vermişdir, 1710 nəfər isə yaralanmışdır. Göstərdikləri vətənpərvərlik, qorxmazlıq və igidliyə görə 67 nəfər əməkdaş “Azərbaycanın Milli Qəhrəmanı” adına, 1143 nəfər orden və medallara layiq görülmüşdür.
Azərbaycan Polisi bu gün də ölkəmizdə əmin-amanlığın, sabitliyin və qanunçuluğun keşiyində duraraq, cinayətkarlıq və onun yeni növləri ilə qətiyyətlə mübarizə apararaq dövlətinə, xalqına və Prezidentinə sadiqdir.
