1990-cı il yanvarın 19-da SSRİ Ali Soveti Rəyasət Heyəti yanvarın 20-də saat 00-dan “Bakı şəhərində fövqəladə vəziyyət tətbiq edilməsi haqqında” Fərman verdi. Lakin dinc sakinlərə bu haqda məlumat verilməmişdi. Həmin zaman Mixail Qorbaçovun başçılığı ilə Sovet rejimi Bakıda əsl qətliam törətmişdir.
Qoşunların qanunsuz yeridilməsi nəticəsində Bakıda və ətraf rayonlarda 131 nəfər öldürülüb, 744 nəfər yaralanıb. Həlak olanların arasında qadınlar, uşaqlar və qocalar, həmçinin təcili yardım işçiləri və milis nəfərləri olub.
1990-cı il yanvarın 22-də Bakıdakı Dağüstü Parkda qadınlar, qocalar, gənclər və uşaqların dəfn edildiyi Şəhidlər xiyabanı salınıb.
1998-ci ildə ulu öndər Heydər Əliyevin Fərmanı ilə “20 Yanvar Şəhidi” fəxri adı təsis olunub. Yanvarın 20-si isə Azərbaycanda Ümummilli Hüzn Günü elan edilib.
Allah şəhidlərimizə rəhmət eləsin!
