Bu gün Vətən müharibəsi qəhrəmanı baş leytenant Rövşən Nurzadənin mövlud günüdür.
Nuruzadə Rövşən 24 mart 1975-ci ildə Sumqayıt şəhərində dünyaya göz açıb. İgidimiz Azərbaycanın ərazi bütövlüyünün bərpa olunması üçün başlanan Vətən müharibəsi zamanı Qubadlının və Şuşanın azadlığı uğrunda gedən döyüşlərdə savaşıb. O, 6 noyabr 2020-ci ildə Şuşa istiqamətində gedən döyüşlərdə qəhrəmancasına şəhadətə ucalıb.
Nuruzadə Rövşən göstəriyi qəhrəmanlığa görə “Vətən uğrunda”, “İgidliyə görə”, “Qubadlının azad olunmasına görə”, “Şuşanın azad olunmasına görə” medalları və “Azərbaycan Bayrağı” ordeni ilə təltif edilib.
Qeyd edək ki, igidimiz Azərbaycan Dövlət Akademik Milli Dram Teatrının aktyoru, Xalq artisti Əli Nurun oğludur.
