Bu gün Azərbaycanın Əməkdar İdman ustası İlham Zəkiyevin doğum günüdür. O, 3 mart 1980-ci ildə Sumqayıt şəhərində anadan olub.
Zəkiyev ikiqat Paralimpiya Oyunları çempionu (2004, 2008), ikiqat Dünya çempionu (2007, 2010) və 7 qat Avropa çempionu (2005, 2007, 2009, 2011, 2013, 2015, 2017), 2015 Avropa Oyunları çempionu, Qarabağ müharibəsi əlili və qazisidir. O, 2008, 2012 və 2016 Yay Paralimpiya Oyunlarında Azərbaycanın bayraqdarı olub.
İlham Zəkiyev 1999-cu ildə cəbhə bölgəsində snayperlə başından vurulduqdan sonra görmə qabilliyətini itirmişdir. Yaşadığı hadisədən sonra cüdo ilə ciddi məşğul olmağa başlamışdır.
İlham evlidir, iki oğlu, bir qızı var.
"Şöhrət" ordeni və "Tərəqqi" medalı ilə mükafatlandırılan idmançımız daha öncə Sumqayıt24-ə müsahibə vermişdir.
Kollektivimiz adından cüdoçumuza gələcək fəaliyyətində uğurlar arzulayırıq.
