Bu gün Azərbaycan Respublikası Milli Paralimpiya Komitəsinin vitse-prezidenti, ikiqat paralimpiya çempionu İlham Zəkiyevin doğum günüdür.
İlham Əzizağa oğlu Zəkiyev 3 mart 1980-ci ildə Sumqayıt şəhərində anadan olub. Ailədə özündən başqa 3 qardaşı və 1 bacısı var. 1999-cu ildə cəbhə bölgəsində snayperlə başından vurulduqdan sonra görmə qabilliyətini itirmişdir və bundan sonra cüdo ilə ciddi məşğul olmuşdur.
Zəkiyev həmçinin səkkizqat Avropa çempionu, 2015 Avropa Oyunları çempionu, Azərbaycanın Əməkdar İdman Ustası, Əməkdar məşqçi, 7-ci dan sahibidir. O, 2 dəfə "Şöhrət" ordeni və "Tərəqqi" medalı ilə mükafatlandırılıb.
