Sumqayıt Dövlət Dram Teatrının səhnəsində "Müsyo Jordan və Dərviş Məstəli Şah" komediyası təqdim ediləcək. Sumqayıt24 bu haqda bu gün, 10 mart tarixində teatrın Facebook hesabına istinadən xəbər verir.
Bu gün saat 18:00-da başlayacaq təqdimat Milli Teatr günü münasibətilə təşkil edilib. Nümayişdən sonra şəhər Gənclər və İdman İdarəsinin rəhbərliyi fəal gənc aktyorları mükafatlandıracaq.
Əsərin quruluşçu rejissoru Firudin Məhərrəmov, quruluşçu rəssamı isə Nabat Səmədovadır. Rollarda İlahə Səfərova, Habil Xanlarov (Əcinnələr), Fəranə Musayeva (Şəhrabanu xanım), Cəlal Məmmədov (Şahbaz bəy), Yeganə Məmmədvəliyeva (Xanpəri), Akif Mirzəyev (Hatəmxanağa), İlahə Səfərli (Gülçöhrə), Ceyhun Məhərrəmov (Qulaməli), Vəfa Qurbanova (Şərəfnisə xanım), Oqtay Mehdiyev (Müsyo Jordan) və İlham Səfərli (Dərviş Məstəli şah) çıxış edəcəklər.
