Karate tarixinin ən tanınmış şəxsiyyətlərindən biri olan Rafael Ağayevin doğum günüdür. O, 4 mart 1985-ci ildə Sumqayıtda anadan olub.
37 yaşını qeyd edən idmançımız bu günədək sayı-hesabı olmayan titullar qazanıb. Dünya karatesinin "Brilyant"ı Rafal Ağayev karyerası ərzində 5 dəfə Dünya, 11 dəfə Avropa çempionu olub. Həmçinin onun hesabında Olimpiya oyunlarının gümüş medalı var.
Xatırladaq ki, fəxri idmançımız Dövlət Gömrük Komitəsində (DGK) Baş Gömrük Mühafizə Xidmətində Döyüş və fiziki hazırlığın təşkili şöbəsinin rəisi təyin edilib. Bundan əlavə, ona mayor rütbəsi də verilib.
Sumqayıt24 kollektivi adından karateçimizə gələcək fəaliyyətində uğurlar arzulayırıq!
