Bu gün Vətən mühabirəsi şəhidi polkovnik-leytenant Anar Şükürovun doğum günüdür. Onun 45 yaşı tamam olacaqdır.
Anar Şükürov 20 yanvar 1977-ci ildə Sumqayıt şəhərində anadan olmuşdur.
Anar Şükürov uzun illər Xüsusi Təyinatlı Qüvvələrin "N" saylı hərbi hissəsində Qrup Komandiri və Tabor Komandiri vəzifələrində, daha sonra isə Naxçıvan Əlahiddə Ümumqoşun Ordusunun sıralarında xidmət etmiş və müharibədən bir neçə il əvvəl ehtiyata buraxılmışdır. Vətən müharibəsinin birinci günündən Binəqədi Rayon Hərbi Komissarlığına dəfələrlə müraciət etsə də, Komissarlıqdan ona hələ gözləməli olduğu bildirilmişdir. Daha sonra o, "Həmlə" Taborunun Komandiri olaraq döyüşlərə cəlb olunmuşdur. Şükürov 16 oktyabr tarixində Ağdərə döyüşləri zamanı şəhid olmuşdur. Polkovnik-leytenant II Fəxri Xiyabanda dəfn olunub.
Vətən müharibəsi zamanı göstərdiyi şücaətə görə Anar Şükürova "Vətən Müharibəsi Qəhrəmanı" adı verilib, həmçinin o, "Suqovuşanın azad olunmasına görə" medalı ilə təltif edilib.
Sumqayıtda fəaliyyət göstərən 25 nömrəli tam orta məktəb şəhidimizin adını daşıyır.
