Qəzənfər Ədalət oğlu Mütəllimov 1992-ci il yanvarın 27-də Sumqayıt şəhərində anadan olub.
Azərbaycan Ordusunun giziri olan Qəzənfər 2020-ci il sentyabrın 27-də başlanan Vətən müharibəsi zamanı Cəbrayılın azadlığı uğrunda gedən döyüşlərdə savaşıb. Mütəllimov oktyabrın 5-də Cəbrayıl döyüşləri zamanı şəhidlik zirvəsinə ucalıb.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan şəhidimiz hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün ölümündən sonra "Vətən uğrunda", "Cəbrayılın azad olunmasına görə" və "İgidliyə görə" medalları ilə təltif edilib.
