14 mart 1969-cu ildə Sumqayıt Teatrının rəsmi açılışı baş tutub. Teatr səhnəsində ilk tamaşa - Mirzə Fətəli Axundovun “Müsyo Jordan və Dərviş Məstəli şah” əsəri olmuşdur.
12 mart 1968-ci ildə Azərbaycan Respublikasının Nazirlər Soveti Sumqayıtda Dövlət Gənclər Teatrı yaradılması barədə qərar verdi. Mirzəağa Əliyev adına Azərbaycan Dövlət İncəsənət İnstitutunun aktyorluq fakültəsinin tələbələrinin əksəriyyəti Sumqayıta təyinatla göndərildi. İnstitutun aktyor və rejissor sənəti müəllimi Nəsir Sadıqzadə isə teatra baş rejissor təyin edildi.
Yeni kollektiv bir il Sumqayıt Dövlət Gənclər Teatrı adlandı. 1970-ci ildə kollektivə rejissor və aktyor Hüseyn Ərəblinskinin adı verildi və sənət ocağı Sumqayıt Dram Teatrı adlandırıldı. 1974-cü ildə Mədəniyyət Nazirliyinin qərarı ilə teatra dövlət statusu verildi. 1992-ci ildən kollektiv bir müddət musiqili dram teatrı kimi fəaliyyət göstərib.
Hazırda Sumqayıt Dövlət Dram Teatrı Azərbaycan küçəsi, 21 ünvanında yerləşən binada fəaliyyət göstərir.
Mənbələr:
