Bu gün kosmonavt Yuri Qaqarinin doğum günüdür. Bununla bağlı sumqayit24.az onun həyatı və Kosmosa ilk uçuşu ilə bağlı maraqlı faktlar təqdim edir. Kosmonavt 9 mart 1934-cü ildə Rusiyanın indiki Qaqarin rayonunun Kluşino kəndində anadan olub.
- Yuri Qaqarin 1966-cı ildə Sumqayıt şəhərinin Fəxri vətəndaşı adına layiq görülmüşdür.
- Yuri Qaqarin 12 aprel 1961-ci ildə Kosmosa ilk uçuşunu etmişdir. Kosmosda 1 saat 48 dəqiqə qalmışdır. O, atmosferə girdikdən sonra yerə yaxınlaşanda gəmidən tullanıb, paraşütlə enmişdir. Yuri Qaqarin Sovet İttifaqının kosmosa göndərmək üçün seçdiyi 19 kosmonavtdan biri idi.
- Qaqarinin kosmosa ilk səyahəti zamanı 27 yaşı var idi.
- Qaqarin uçuşdan 2 gün əvvəl həyat yoldaşına vida məktubu yazmışdı. Lakin Qaqarin məktubu xanımına vermədi. Yurinin həyat yoldaşı məktubu məhz o evə qayıtdıqdan sonra tapmışdır.
- Yuri Qaqarin 27 mart 1968-ci ildə təlim uçuşu zamanı təyyarə qəzasında vəfat etmişdir.
