Bu gün tanınmış rejissor, ssenarist, aktyor Rövşən Almuradlının ad günüdür. Bu haqda bu gün, 19 aprel tarixində Sumqayıt24 xəbər verir.
Rövşən Almuradlı 1954-cü il aprelin 19-u Bakı şəhərində anadan olub. 1972-1976-cı illərdə Mirzəağa Əliyev adına Azərbaycan Dövlət İncəsənət İnstitutunun Dram və kino aktyorluğu fakültəsində ali təhsil alıb.
O, 1980-1985-ci illərdə Sumqayıt Dövlət Dram Teatrında Əkrəm Əylislinin "Vəzifə" tamaşasının quruluşçu rejissoru olub.
Rövşən Almuradlı Sumqayıt Dövlət Dram Teatrında dövlət sifarişi ilə hazırlanan "Oğru" tamaşasına quruluş verib. Marsel Bertie Marinyenin əsəri əsasında hazırlan tamaşada əsas rolları əməkdar artist İzaməddin Bağırov, Şəmistan Süleymanlı, Vəfa Qurbanova və İlahə Səfərova oynayıblar.
Rejissorun 2019-cu ilin 2 aprel tarixində səhər saatlarında Sumqayıt şəhərinin Sülh küçəsində vəziyyəti qəflətən pisləşib. Əraziyə dərhal təcili tibbi yardım çağırılıb. Lakin o, xəstəxanaya aparılarkən yolda dünyasını dəyişib.
