Bu gün şəhid Nurlan Atakişiyevin mövlud günüdür. Onun 20 yaşı tamam olacaqdır.
Nurlan Ağakişiyev 22 iyul 2002-ci ildə Sumqayıt şəhərində Qarabağ müharibəsinin qazisi Etibar Ağakişiyevin ailəsində anadan olub. 2008-2017-ci illərdə Abşeron rayonunun Mehdiabad qəsəbəsində 3 nömrəli məktəbdə, 2017-2019-cu illərdə isə Bakı İdarəetmə və Texnologiya Kollecində təhsil alıb.
Nurlan Ağakişiyev 2020-ci ildən Azərbaycan Silahlı Qüvvələrinin "N" saylı hərbi hissəsində müddətli həqiqi hərbi xidmətdə olub.
Əsgər Nurlan Ağakişiyev 2020-ci il sentyabrın 28-də Ağdam rayonu istiqamətində gedən döyüşlərdə şəhid olub. II Fəxri Xiyabanda dəfn olunub.
Nurlan ölümündən sonra "Vətən uğrunda" və "Ağdamın azad olunmasına görə" medalları ilə təltif edilib.
