Bu gün Məzahir Sülyemanovun doğum günüdür. Azərbaycan Xalq artistinin 78 yaşı tamam olub.
Süleymanov 28 yanvar 1944-cü ildə anadan olub. O, M.A.Əliyev adına İncəsənət İnstitutunun "Dram və kino aktyoru" fakültəsini bitirib. 1972-ci ilin noyabr ayından H.Ərəblinski adına Sumqayıt Dövlət Musiqili Dram Teatrında işləyir. Aktyor burada işlədiyi müddət ərzində 100-dən artıq müxtəlif obrazlar canlandırıb.
Aktyor Anarın "Adamın adamı" tamaşasında Tərs Tahir, R. İbrahimbəyovun "Park" tamaşasında Dost, M. Sülyemanlının "Dəyirman" tamaşasında Sarı Qasım, G. Xuqayevin "Varlı ev" tamaşasında Beçir və digər rolları özünəməxsus sənətkarlıqla yaradıb.
