Yel çərşənbəsi Novruzun üçüncü çərşənbəsidir. Bu çərşənbə, həmçinin “külək oyadan çərşənbə”, “küləkli çərşənbə”, “yelli çərşənbə”, “külək çərşənbəsi” kimi tanınır.
Bu çərşənbə havanın qızması ilə bağlıdır. İnanca görə, Yel çərşənbəsində hava təmizlənir.
Yel çərşənbəsinin geniş yayılmış inanclarından biri də bu çərşənbədə niyyət tutmaqdır. Çərşənbə gecəsi söyüd ağacının altına gedib, niyyət edib, Yel babanı çağırardılar. Əgər Yel baba səsi eşidib əssə və söyüdün budaqlarını torpağa toxundursa, demək arzu yerinə yetəcək.
Bu çərşənbə ilə bağlı “Yelnən gələn selnən gedər”, “Yel apardığını qaytarmaz”, “Yellə dost olan yellənə-yellənə qalar”, “Yel bağlayanı el açar”, “Yel aparan yelinki, yerdə qalan mənimki”, “Yel qayadan nə aparar” kimi atalar sözləri var.
