Azərbaycanda həkimlər üçün yeni cərimə məbləğləri tətbiq ediləcək.
Sumqayit24.az xəbər verir ki, reseptə dərman yerinə, qida əlavələri yazan həkimlər üçün cərimələr 2 dəfədən çox artırılır.
İnzibati Xətalar Məcəlləsinə təklif edilən dəyişikliklərə əsasən, xəstələr üçün reseptə dərman yerinə bioloji aktiv qida məhsullarının yazılmasına görə, vəzifəli şəxslər 100-150 manat, hüquqi şəxslər 300-400 manat cərimə ediləcək.
Qeyd edək ki, hazırda bioloji fəallığa malik qida əlavələrinin həkim reseptinə yazılmasına görə vəzifəli şəxslər 50-100 manat, hüquqi şəxslər 150-200 manat cərimə edilir.
