Bu ilin 9 ayında pensiya ödənişlərinə ötən ilin müvafiq dövrünə nisbətən 10% (467 milyon manat) çox olmaqla 5 milyard 326 milyon manat vəsait yönəldilib.
Sumqayit24.az xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.
2025-ci ilin əvvəlindən bütün növ pensiyaların 8.1% indeksləşdirilərək artırılması, fevralın 1-dən minimum pensiyanın 14.3% artımla 280 manatdan 320 manata çatdırılması təmin edilib.
Yanvar-sentyabr aylarında 33 min, elektron pensiya təyinatına başlandığı 2019-cu ilin əvvəlindən 171 min pensiya təyinatı e-sistem üzərindən proaktiv qaydada həyata keçirilib.
