Sumqayıtda nəqliyyatın ən intensiv olduğu nöqtələrdən biri sürücülər üçün ciddi problemə çevrilib.
Sumqayit24.az-a müraciət edən vətəndaşın sözlərinə görə, Sahil küçəsi (Novxanı yolu) ilə Cəlil Məmmədquluzadə küçəsinin kəsişməsində demək olar ki, hər gün uzun tıxaclar müşahidə olunur.
Problemin əsas səbəbi isə bulvar istiqamətindən gələn avtomobillərin Novxanı qəsəbəsinə dönmək istəyərkən digər hərəkət iştirakçılarına yol vermək məcburiyyətində qalmasıdır. Bu isə hərəkətin ləngiməsinə və sıxlığın yaranmasına səbəb olur.
Sakin bildirir ki, sözügedən ərazidə hərəkətin düzgün tənzimlənməsi üçün işıqforun quraşdırılması vacibdir. Bu addım həm tıxacların qarşısını ala, həm də yol hərəkəti təhlükəsizliyini artıra bilər.
