Sumqayıt Regional Mədəniyyət idarəsinin layihəsi olan "İstedadlarla tanışlıq" adlı verilişin 2-ci buraxılışı nümayiş olunub. Sumqayıt24 bu haqda “Culture Sumgait” YouTube səhifəsinə istinadən yazır.
Bu səfər verilişin qonağı Bülbül adına 2 nömrəli uşaq incəsənət məktəbinin rəssamlıq şöbəsinin müdiri Firuzə Rüstəmova olub. O, 20 ildən çoxdur ki bu məktəbdə çalışır. Rüstəmova öz çıxışında Bülbül adına 2 nömrəli UİM-in ölkədə və beynəlxalq arenada qazandığı uğurlardan danışıb: “70-dən çox şagirdimiz var. Biz Çində, Çexiyada 1-ci yer, Misirdə 2-ci yer tutmuşuq. Dünyanın çox yerində sərgilərdə iştirak etmişik”.
Daha sonra, veriliş xanəndəlik şöbəsinin şagirdləri Nuray Şahsuvarlı, Ziya Mikayıllı və Ayan İbrahimovanın ifaları ilə davam edib.
