Sumqayıt bulvarında pilləkən baxımsız vəziyyətdədir. Sumqayıt24 bu barədə 15 avqust tarixində xəbər verir.
Piyadalar üçün nəzərdə tutulan pilləkən bulvar ərazisindən dəniz kənarına düşən hissədə yerləşir. Tutacaq və pillələr bəzi yerlərdə dağılıb.
“Şəhərin ən çox istirahət edilən guşəsidir bura. Axşam saatlarında yaşlı insanlar dəniz sahilinə düşmək üçün çətinlik çəkirlər. Bir neçə dəfə uşaqların pilləkəndən yıxıldığının şahidi olmuşuq”, - deyə sakinlər bildiriblər.
