Abşeron rayonunun Aşağı Güzdək qəsəbəsi ərazisində kanalizasiya sularının Ceyranbatan su anbarına axıdıldığı məlum olub.
Sumqayit24.az xəbər verir ki, bu barədə AZTV süjet yayımlayıb.
Bildirilib ki, çirkab suların su anbarına axıdılması üçün ərazidən boru xətti çəkilib və bu xətt vasitəsilə kanalizasiya suları anbarın mühafizə zonası ərazisinə yönəldilir.
Qeyd edək ki, bir müddət əvvəl də bu ərazidən kanalizasiya sularının Ceyranbatan su anbarına axıdılması ilə bağlı məlumat və görüntülər yayılmışdı.
