Yenilənib saat 15:45
Ceyranbatan qəsəbəsində şagirdin müəllim tərəfindən döyülməsi barədə iddia təsdiqini tapmayıb. Bu haqda Oxu.az-a istinadən xəbər veririk.
Məlumata görə, həmin narazılıq 2019-cu ildə baş verib. Məktəbin müəllimi A.Məmmədovanın sözlərinə görə, məlumatı məktəb rəhbərliyi yayıb: “Çünki ondan şikayət etmişəm, etdiyi qanunsuzluqlar üzə çıxıb”.
Döyüldüyü deyilən şagirdin valideyni G.Yusifova da məktəbdən və müəllimdən heç bir narazılığının olmadığını bildirib.
“Biz direktor və müəllimin barışmasını istəyirik. 2019-cu ildə bizim ailəmizdə problemlər olduğu üçün övladım dərsə gedə bilməyib”, - deyə valideyn qeyd edib.
Məktəbin direktoru Ç.Atayevadan isə açıqlama almaq mümkün olmayıb.
--------------------------------------------------------------------------------------------------------
Saat 14:03
Ceyranbatan qəsəbəsində şagird müəllim tərəfindən döyüldüyü üçün məktəbə getməkdən imtina edib. Onun valideyni övladında həmin səbəbdən psixoloji problemlərin yarandığını bildirib. Sumqayıt24 bu haqda Oxu.az-a istinadən xəbər verir.
İnsident qəsəbədə yerləşən 1 nömrəli məktəbdə yaşanıb. Məlumata görə, riyaziyyat müəllimi Aynurə Məmmədova, 2019-cu ildən dərs dediyi 8-ci sinif şagirdi Elgün Abbasovu mütəmadi olaraq döyüb və ona xəsarətlər yetirib.
Bu məsələ ilə bağlı şagirdin anası məktəb rəhbərliyinə ərizə ilə müraciət etsə də, həmin müəllim əməlindən çəkinməyib.
Fakt məktəb tərəfindən də təsdiq edilib.
