Ceyranbatan qəsəbəsində şagirdin direktor tərəfindən döyülməsi ilə bağlı xəbər yayılıb. Sumqayıt24 bu haqda 26 may tarixində Apa.az-a istinadən xəbər verir.
Məlumata görə, insident 1 nömrəli məktəbdə qeydə alınıb. Hadisədən sonra, zərərçəkmiş 9a sinif şagirdi Gülnar Məmmədli dərsələrə gəlmir.
Abşeron-Xızı Regional Təhsil İdarəsindən bildirilib ki, məsələ nəzarətə götürülüb və yayılmış iddia araşdırılıb. Məktəb rəhbərliyindən və müəllimlərdən izahatlar alınıb. Şagirdin valideynləri məktəbə dəvət olunub, lakin onlar hüquq-mühafizə orqanlarına müraciət etdiklərini bildirərək gəlməkdən imtina ediblər.
“İddia olunan hadisədən sonra Gülnar Məmmədli məktəbə getmir. Şagirdin dərslərə cəlb olunması üçün məktəb tərəfindən şagirdin evinə bir neçə dəfə nümayəndə göndərilib, lakin o hələ də dərslərdən yayınır”. - deyə idarədən əlavə olunub.
