Ceyranbatan qəsəbəsində kişi itkin düşüb.
Bu barədə Den.az-a qəsəbə sakinləri məlumat veriblər.
42 yaşlı Elgiz Elbrus oğlu 2 gündür ki, itkin düşüb. O, evdən çıxaraq bir daha geri qayıtmayıb və hazırda onun harada olması barədə heç bir məlumat yoxdur.
Elgiz Axundovun son dəfə harada göründüyü və üzərində hansı geyimlərin olduğu barədə dəqiq məlumat olmasa da, ailəsi onun tez bir zamanda tapılması üçün ictimaiyyətə müraciət edib.
Hazırda hüquq-mühafizə orqanları tərəfindən axtarış tədbirləri aparılır. Elgiz Axundovu görən və ya onunla bağlı hər hansı məlumatı olan şəxslərdən dərhal polisə məlumat vermələri xahiş olunur.
