Ceyranbatan su anbarında “Heydər Əliyev İli” münasibətilə ağacəkmə aksiyası keçirilib. Bu haqda 15 fevral tarixində Sumqayıt24 Fövqəladə Hallar Nazirliyinə (FHN) istinadən xəbər verir.
FHN-in Su Ehtiyatları Dövlət Agentliyi tərəfindən “Heydər Əliyevin 100 illiyi münasibətilə 10000 ağac əkək” aksiyası həyata keçirilir. 10.000-dən artıq Eldar şamı və sərv ağacı tingləri yetişdirilib, anbar ərazisində 20 hektara yaxın müvafiq sahə hazırlanıb.
Yanvar ayının 31-dən başlayaraq bu günə qədər artıq 2.625 ağac əkilib. Bunların da 1.930-u sərv, 695-i isə Eldar şamıdır.
Qeyd edək ki, may ayınadək davam edəcək aksiya çərçivəsində 10 min ağac əkilməsi nəzərədə tutulur.
