Ceyranbatan qəsəbə sakinlərinin ictimai nəqliyyat problemi həll olunacaq.
Azərbaycan Yerüstü Nəqliyyat Agentliyinin Sumqayıt Regional İdarəsindən Xezerxeber.az-a bildirilib ki, sözügedən qəsəbənin əhalisinin Bakıya daşınması üçün 594 və 595 nömrəli marşrut xəttləri faəliyyət göstərir:
“Səhər və axşam pik saatlarında Sumqayıt avtovağzalında yaranan sərnişin sıxlığı səbəbindən bu avtobuslar aralıq dayanacaqlarda, o cümlədən Ceyranbatan qəsəbəsində sərnişin götürməkdə çətinlik çəkir”.
Qurumdan qeyd olunub ki, yaranan narazılıqların aradan qaldırılması məqsədilə daşıyıcı şirkət “BakuBus” MMC-nin rəhbərliyinə tapşırılıq verilib:
“Tapşırığa əsasən xəttə əlavə avtobusların cəlb edilməsi və aralıq dayanacaqlardakı sərnişinlərin də xidmətdən yararlanması üçün avtobus salonlarında müəyyən sayda boş yerlərin saxlanılması nəzərdə tutulur.
Hazırda vəziyyətin nəzarət saxlanılıb və yaxın günlərdə sərnişin daşımalarında yaranan sıxlığın azaldılması üçün tədbirlər həyata keçiriləcək”.
