Sumqayıt şəhər dövlət yol polisi şöbəsinin əməkdaşları gücləndirilmiş iş rejimində çalışır. Sumqayıt24 bu haqda 11 iyul tarixində Avtosfer.az-a istinadən xəbər verir.
Onların bu addımı atmasında məqsəd Qurban bayramı və istirahət günlərində nəqliyyatın sıx olduğu küçə və prospektlərdə hərəkətin tənzimlənməsi, vətəndaşların rahat və təhlükəsiz hərəkətini təmin etməkdir.
Təhlükəsizlik tədbirləri xüsusilə çimərlik ərazilərində və onların ətrafında gücləndirilib. Çünki bu istiqamətdə nəqliyyat axınının sıx olduğu bildirilir. Sıxlığın yaranmaması üçün yol polisi əməkdaşları nizamlayıcı qismində yollarda sürücülərin hərəkətlərini tənzimləyirlər.
Qeyd edək ki, stasionar postlarda saxlanılan avtomobillərin sürücüləri ilə profilaktiki söhbətlər aparılır, onlara Baş DYP İdarəsi tərəfindən hazırlanmış maarifləndirici bukletlər təqdim olunur.
