Çimərliklərdə istirahət edən vətəndaşlar arasında “Çimərliklərdə təhlükəsizlik qaydaları” mövzusunda maarifləndirmə tədbirləri keçirilib. Bu haqda bu gün, 8 iyul tarixində Fövqəladə Hallar Nazirliyinə istinadən xəbər veririk.
Maarifləndirmə tədbiri “Sumqayıt” və “Corat” xilasetmə məntəqələrinin ərazisində təşkil edilib. Təlimin əsas məqsədi əhaliyə çimərlikdə təhlükəsizilik qaydaları barədə məlumatlandırmaq olub.
Tədbirdə FHN Sumqayıt Regional Mərkəzinin adıçəkilən məntəqələrinin əməkdaşları iştirak ediblər.
Burada qadağanedici nişanlara, sanitar-gigiyena qaydalarına əməl olunması və zərəçəkmişlərə ilkin yardımın göstərilməsi, suda hər hansı bədbəxt hadisənin baş verməsinin qarşısının vaxtında alınması üçün zəruri tədbirlər barədə tövsiyələr verilib.
