Mahir Cürətin qaraciyərində ağır dərəcəli hepatit xəstəliyi aşkarlanıb. Sumqayıt24 bu haqda 15 dekabr tarixində Bizim.media-ya istinadən xəbər verir.
Coratlı qəzəlxan 1 saylı Şəhər Klinik Xəstəxanasında bir sıra analizlər verib. Sabah isə hepatoloqun (qaraciyər həkimi) yanına gedəcək.
Mahir Cürətin oğlu İskəndər bildirib ki, həkim dərman resepti yazıb:
“İçində müəyyən bahalı dərmanlar var. Onları almalıyıq. Evdə müalicələrini davam etdirməlidir. Əgər hepatoloq desə ki, atanız xəstəxanada qalmalıdır, buna əməl edib, orada qalıb müalicələrini davam etdirəcək”.
İskəndərin sözlərinə görə, atasının ayaqlarında olan yaralar müəyyən qədər sağalıb:
“Atam M.Topçubaşov adına Elmi Cərrahiyyə Mərkəzində bütün lazımi olan müalicələrini yekunlaşdırıb. Orada ona qan vuruldu, plazma köçürüldü. Xəstəxana atamın bütün xərclərini öz üzərinə götürdü. Orada çalışan və atamın sağalması üçün əlindən gələn yardımı edən həkimlərə təşəkkürümüzü bildiririk”.
