Sumqayıtda məhv olmaq təhlükəsi ilə üz-üzə qalan 5 əsrlik abidə ilə bağlı açıqlama verilib. Sumqayıt24 bu barədə bu gün, 5 aprel tarixində AzTV-yə istinadən xəbər verir.
Söhbət Corat qəsəbəsində yerləşən və XV-XVI əsrlərə aid edilən Hacı Məcid hamamından gedir. Hazırda hamam dağılmaq üzrədir və tamamilə yararsız vəziyyətdədir.
Mədəni İrsin Qorunması, İnkişafı və Bərpası üzrə Dövlət Xidmətinin əməkdaşı Fariz Hüseynovun sözlərinə görə, adıçəkilən tikili yeni aşkar edilmiş tarixi abidə kimi qeydə alınıb və reyestrə daxil edilməsi istiqamətində işlər aparılır. Reyestrə daxil edildikdən sonra hamamın bərpası və yenidən istifadəsi məsələsi də nəzərdən keçiriləcək.
Xatırladaq ki, daha öncə sözügedən Hacı Məcid hamamı haqda məqalə yazmışdıq.
