Yenilənib saat: 17:42
Sumqayıtda dəm qazından boğularaq ölən şəxsin Dövlət Sərhəd Xidmətinin (DSX) hərbi qulluqçusu olduğu məlum olub. Bu barədə Apa.az xəbər yayıb
--------------------------------------------------------------------------------------------------------
Saat: 17:33
Müdafiə Nazirliyi dəm qazından boğulan şəxsin hərbçi olduğunu təkzib edib. Sumqayıt24 bu haqda 1 noyabr tarixində Report.az-a istinadən xəbər verir.
"Bəzi kütləvi informasiya vasitələrində guya Azərbaycan Ordusunun hərbi qulluqçusu Yusifli Seymur Teymur oğlunun dəm qazından boğularaq vəfat etməsi barədə məlumat yayılıb.
Bildiririk ki, Müdafiə Nazirliyinin bazasında qeyd olunan ad və soyadda Azərbaycan Ordusunda xidmət edən hərbi qulluqçu mövcud deyil.
Kütləvi informasiya vasitələri nümayəndələrini rəsmi təsdiqini tapmayan məlumatları paylaşmamağa çağırırıq", - qurumdan qeyd edilib.
Qeyd edək ki, Sumqayıtda 21 yaşlı Seymur Yusifli kirayədə yaşadığı mənzildə dəm qazından boğularaq vəfat edib.
