Sumqayıt ərazisində hərbi sursat aşkar edilib. Sumqayıt24 bu barədə 5 avqust tarixində Fövqəladə Hallar Nazirliyinə istinadən xəbər verir.
Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu dərhal mərminin tapıldığı Yaşma bağlarının dəniz sahilinə cəlb olunub. İlk növbədə ərazidə müvafiq təhlükəsizlik tədbirləri görülüb. Baxış zamanı həmin sursatın RPG-7 tipli əl qumbaraatanının döyüş tətbiqinə yararsız 1 ədəd mərmisi olduğu müəyyən edilib. O, mütəxəssislər tərəfindən zərərsizləşdirilməsi üçün ərazidən kənarlaşdırılıb.
Ətrafda əlavə axtarış zamanı başqa hər hansı təhlükəli və ya şübhəli əşya aşkar edilməyib.
