Sumqayıtda dərəyə aşan avtomobilin sürücüsü xəstəxanada ölüb. Sumqayıt24 bu barədə 31 oktyabr tarixində Report-a istinadən xəbər verir.
Hadisə oktyabrın 26-sı, Bakı-Quba yolunun şəhər ərazisindən keçən hissəsində yerləşən zavodların birinin qarşısında baş verib. Sumqayıt sakini, 31 yaşlı Toğrul Rzalı idarə etdiyi "Audi A3" markalı avtomobillə hərəkətdə olan zaman idarəetməni itirib. Nəticədə maşın dərəyə aşıb, sürücü müxtəlif dərəcəli bədən xəsarətləri aldığı üçün xəstəxanaya yerləşdirilib. T.Rzalı aldığı xəsarətlərdən oktyabrın 30-da xəstəxanada dünyasını dəyişib.
Faktla bağlı “Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanılıb, istintaq aparılır.
