Milli Məclisdə 16 yaşlı cüdoçunun qətli müzakirə edilib. Bu haqda 29 noyabr tarixində Qafqazinfo.az-a istinadən xəbər veririk.
Çıxış edən deputat Naqif Həmzəyev bildirib ki, gənclər arasında kriminallığa maraq artmaqdadır:
“Sosial şəbəkələrdə bu cür videoçarxlar yayılır. Ötən gün gənc bir uşağın qətlə yetirilməsi bizi çox üzdü. İdmançının, gələcəyi olan bir gəncin öldürülməsi bizi üzdü. Düşünürəm ki, bununla bağlı orta məktəblərdə gənclər arasında maarifləndirmə və təbliğat işlərini artırmalıyıq. Biz də çalışmalıyıq ki, bu cür halların qarşısını alaq”.
Xatırladaq ki, Şağan Olimpiya Kompleksində 20 yaşlı Sumqayıt sakini Ruslan Səfixanov mübahisə zamanı 16 yaşlı Tural Rüstəmovu bıçaqlayaraq öldürüb.
