Əməkdar artist Dilarə Əliyevanın adından dələduzluq edilib.
Axşam.az-ın məlumatına görə, bunu aktrisa özü bildirib. O bildirib ki, TikTok-da onun adından insanları aldadırlar:
"TikTok-da bir səhifə adımdan istifadə edərək fanatlarımı aldadır, hansısa yolla səslərimi tapıb, “WhatsApp”da onlara göndərir. Onlara özünü mənim kimi təqdim edir. Mənim yalnız rəsmi instagram hesabım var, burada da səhifəm şirkət tərəfindən idarə olunur. Daxili İşlər Nazirliyi dələduzluqla mübarizə aparır hər zaman. Belə dələduzlara inanmayın".
D. Əliyeva məsələ ilə bağlı polisə müraciət edib.
Qeyd edək ki, Əməkdar artist 25 oktyabr 1972-ci ildə Sumqayıtda anadan olub.
