Dini Qurumlarla İş üzrə Dövlət Komitəsinin sədri Mübariz Qurbanlı Sumqayıt sakinlərini qəbul edib. Sumqayıt24 bu barədə 27 yanvar tarixində xəbər verir.
Heydər Əliyev Mərkəzində baş tutan görüşdə Sumqayıt vətəndaşları ilə yanaşı, Abşeron, Xızı, Qubadlı, Zəngilan rayonlarından olan sakinlər iştirak ediblər.
Qəbuldan əvvəl ulu öndər Heydər Əliyevin abidəsi ziyarət edilib, önünə gül dəstələri düzülüb. Dövlət Komitəsinin aidiyyəti struktur bölməsinin rəhbərinin iştirakı ilə keçirilmiş qəbulda vətəndaşların müraciətləri dinlənilib, ərizələri qəbul edilərək müvafiq tədbirlərin görülməsi ilə bağlı tapşırıqlar verilib.
