Sumqayıtda uşaq bağçası uzun illər təmirsiz qalıb. Bu haqda 24 noyabr tarixində Sumqayıt24 xəbər verir.
Söhbət 70 saylı bağçadan gedir. Təlim-tərbiyə ocağının aşağı yaş qrupları üçün nəzərdə tutulmuş hissəsi qəzalı haldadır. Tikilinin divarlarında çatlar var, döşəmənin böyük hissəsi yararsız, tavan çökmüş vəziyyətdədir. Yağış suları tavanın dəliklərindən binanın içərisinə sızır. Sanitar qovşağında şəraitsizlik hökm sürür.
“Çarəsizlikdən uşaqlarımızı məcburən bu bağçaya qoyuruq. Yataq otağında divar və tavan nəmişlik mənbəyidir. İndi söküb-töküblər, guya təmir edirlər. Bağça uşaqların günlük təlabatlarını ödəməli ləvazımatlar üçün bizdən pul yığır”, – deyə valideynlər bildiriblər.
[modula id="45995"]
