Sumqayıtda doğuş zamanı körpənin ölməsi barədə rəsmi qurum münasibət bildirib. Sumqayıt24 bu haqda bu gün, 27 aprel tarixində Lent.az-a istinadən xəbər verir.
Şəhər Tibb Mərkəzindən verilən məlumata görə, 40 həftəlik hamilə olan 32 yaşlı Elnurə Qurbanova 26 aprel gecə saat 02:20-də 1 saylı Sumqayıt şəhər xəstəxanasının doğum şöbəsinə daxil olub.
Müayinə zamanı dölün ürək döyüntüsünün olmaması (ölümü) haqda Qurbanovanın yaxınlarına, həmin gün doğuşa hazırlıq dövründə ultrasəs müayinəsində fakt təsdiq edildkə isə qadının özünə də məlumat verilib. Çəkisi 3400 qram, boyu 53 sm, kişi cinsindən olan ölü döllə doğuş baş verib.
Qeyd olunub ki, pasiyent sonuncu dəfə 16 aprel tarixində həkim müayinəsində olanda dölün sağ olduğu müşahidə edilmişdir.
Dölün ölü doğulmasına ananın koronavirus və 3 dəfə ağır qripə yoluxması səbəb olduğu ehtimal edilir.
