Sumqayıt sakinləri Dövlət Sosial Müdafiə Fondunun İdarə Heyətinin sədri ilə görüşüb. Sumqayıt24 bu haqda 27 may tarixində qurumun rəsmi səhifəsinə istinadən xəbər verir.
Himalay Məmişovun qəbulu Sumqayıtda baş tutub. Burada şəhərimizdən, eləcə də Xızı və Abşeron rayonlarından olan vətəndaşlar iştirak ediblər.
Onlar tərəfindən qaldırılan məsələlər əsasən pensiya, sosial müavinətlər, ünvanlı dövlət sosial yardımı, eləcə də sosial sığorta və fərdi uçotla bağlı olub. Qeydiyyata alınan müraciətlərin bəziləri yerində həllini tapıb, bir qisminin isə həll olunması üçün Fondun müvafiq struktur bölmələrinə tapşırıqlar verilib.
