Sumqayıt şəhəri 4-cü mikrorayon ərazisində olan elektrik dirəyi sakinlərin narahatlığına səbəb olur. Sumqayıt24-ə bu məsələ ilə bağlı 21 may tarixində oxucular müraciət edib.
Sözügedən dirək bina 4/64-ün önündə yerləşir. Burada yaşayan vətəndaşların sözlərinə görə, səhər və gecə saatlarında naqillərdən “xışıltı” səsləri gəlir. Bunun nəticəsi kimi sakinlər hər hansı bir bədbəxt hadisənin baş verməsindən qorxur.
“Həmin dirək səbəbindən uşaqları həyətə buraxmaqdan çəkinirik. Gecə yağış yağanda həmin səs daha da gur eşidilirdi. Nəisə baş vermədən yoxlama keçirilsə yaxşı olar”, - deyə izləyicilər bildirib.
