İqtisadiyyat Nazirliyində yüksək vəzifə verilən Elvin Camalov Sumqayıtda təhsil alıb.
Sumqayit24.az-a daxil olan məlumata görə, bir neçə günə öncə qurumun Aparat rəhbəri təyin olunan E.Camalov 1985-ci ildə Naxçıvanda anadan olub. Sonra ailəsi ilə birlikdə Sumqayıta köçub və 38 nömrəli məktəbdə oxuyub.
Qeyd edək ki, o, 2009-cu ildə əmək fəaliyyətinə İqtisadi İnkişaf Nazirliyində məsləhətçi kimi başlayıb, Nazirlikdə müxtəlif vəzifələrdə işləyib.
2019-2022-ci illərdə İqtisadiyyat Nazirliyinin İqtisadi siyasət şöbəsinin müdir müavini, 2022-2024-cü illərdə isə həmin şöbənin müdiri vəzifələrində çalışıb.
3 iyun 2024-cü ildən 21 iyul 2025-ci ilədək iqtisadiyyat nazirinin müşaviri vəzifəsində işləyib.
Azərbaycan Respublikasının Prezidentinin Sərəncamı ilə dövlət qulluğunda səmərəli fəaliyyətinə görə “Tərəqqi” medalı ilə təltif edilib.
Ailəlidir, 1 övladı var.
