“Enactus” Azərbaycan Milli Yarışının yarımfinal mərhələsi baş tutub. Sumqayıt24 bu haqda 16 iyul tarixində Gənclər Fonduna istinadən xəbər verir.
Bu mərhələdə 3 liqa üzrə 17 komanda yarışıb. Komandaların tanışlıq videolarının ardınca hazırladıqları layihə təqdimatları izlənilib. Qiymətləndirilmə hər liqa üzrə 10 nəfər olmaqla ümumilikdə 30 hakim tərəfindən həyata keçirilib. Bundan əlavə sual-cavab sessiyası da təşkil olunub.
Nəticədə, 2-ci liqanın qalibləri Sumqayıt Dövlət Universiteti və Azərbaycan Dövlət İqtisad Universiteti seçiliblər.
Qeyd edək ki, “Enactus” sahibkarlıq fəaliyyətinin gücü ilə dünyada inkişafa nail olmaq üçün tələbələri, akademik və biznes liderləri bir araya gətirən beynəlxalq təşkilatdır.
