Sumqayıtlı şagirdlər “Fənlərin Dostluğu Olimpiadası”na qatılacaqlar. Bu haqda 18 noyabr tarixində Sumqayıt24 xəbər verir.
Birinciliyin builki buraxılışı 4 dekabr tarixində baş tutacaq. Burada Sumqayıtdan əlavə, Bakı, Xırdalan şəhərləri başda olmaqla digər şəhər və rayonlardan olan, Azərbaycan bölməsində təhsil alan 9 və 10-cu sinif şagirdləri də iştirak edəcəklər. Onlar 2 saat müddətində 50 sualı cavablandırmalı olacaqlar.
Suallar 2, 3, 4 və 5 fənli olmaqla çətinlik dərəcəsinə görə qiymətləndirilir. Qalib şəxs “Hədəf STEAM” Liseyi və “Hədəf” Kurslarında 1 il müddətində ödənişsiz təhsil ala biləcək.
Pulsuz olimpiadada iştirak etmək istəyən şagirdlər www.inteqrasiya.az-da qeydiyyatdan keçməlidirlər.
Qeyd edək ki, "Fənlərin Dostluğu Olimpiadası" İqtisad Universiteti və “Hədəf” şirkətlər qrupu tərəfindən təşkil olunur.
