Sumqayıtlı meyxanaçı Rüfət Kərimovun (Nasosnu) "Kanal S"də yayımlanan verilişi dayandırılıb.
Bu barədə meyxanaçının tanışı Ayxan Məmmədli sosial şəbəkədə məlumat verib:
"Hörmətli izləyicilər, məlumat üçün bildiririk ki, "Evdən-Evə" televiziya layihəsinin yayımı dayandırılıb. Veriliş aparıcı Rüfət Nasosnunun təqdimatında yayımlanırdı. Layihənin ərsəyə gəlməsində əməyi olan bütün əməkdaşlara təşəkkür edir, hər kəsə gələcək fəaliyyətində uğurlar arzulayırıq".
Qeyd edək ki, ötən gün meyxanaçı Sumqayıt Şəhər İcra Hakimiyyəti başçısının dəvəti ilə onunla görüşüb.
