Sumqayıtda sutka ərzində 2 azyaşlı olmaqla 4 nəfər mənzillərdə köməksiz vəziyyətdə qalıb. Sumqayıt24 bu barədə 1 noyabr tarixində Fövqəladə Hallar Nazirliyinə istinadən xəbər verir.
FHN-in "112" qaynar xəttinə vətəndaşların bağlı qapı arxasında qalması barədə məlumat daxil olub. Çağırış ünvanlarına xilasetmə qüvvələri cəlb olunub. Əməkdaşlar tərəfindən giriş qapısının açılması və nəzarətsiz qalmış uşaqların xilas olunması təmin edilib.
