Fövqəladə Hallar Nazirliyinin (FHN) Sumqayıt Regional Mərkəzi tərəfindən Ceyranbatan qəsəbə 1 nömrəli məktəbdə nümunəvi mülki müdafiə məşqi keçirilib.
Sumqayit24.az xəbər verir ki, bu barədə FHN məlumat yayıb.
Tədbirin nəzəri hissəsində məktəb kollektivinə mülki müdafiənin əsas prinsipləri, fovqəladə hallar və bununla bağlı davranış qaydaları barədə ətraflı məlumat verilib.
Praktiki hissədə baş verən şərti fövqəladə hadisə ilə əlaqədar məktəb kollektivinin təxliyəsi, “zərərçəkmişlərə ilkin yardımın göstərilməsi” və digər əməliyyatlar icra olunub.
Sonda əldə edilən nəticələr müzakirə olunub, aidiyyəti üzrə tapşırıqlar verilib.
