Fövqəladə Hallar Nazirliyinin Sumqayıt Regional Mərkəzi tərəfindən nümunəvi dərs keçirilib. Sumqayıt24 bu haqda 17 mart tarixində xəbər verir.
Bakı Mühəndislik Universitetində baş tutan tədbir “Əhalinin fövqəladə hallar zamanı mühafizəsinin təşkili” mövzusunu əhatə edib. Regional Mərkəzin əməkdaşları müəllim və tələbələrə mülki müdafiənin əsas prinsipləri, fövqəladə hallar və bununla bağlı davranış qaydaları barədə məlumat verib, mövzuya aid videoçarxlar göstəriblər. Həmçinin dinləyicilər xüsusi xilasetmə avadanlıqları ilə yaxından tanış olublar.
Sonda tələbələrin sualları cavablandırılıb.
