“Corat” komandası FHN-in sularda xilasetmə çoxnövçülüyü üzrə yarışda uğurla çıxış edib. Bu haqda bu gün, 3 iyun tarixində Sumqayıt24 nazirliyə istiadən xəbər verir.
Kiçikhəcmli Gəmilərə Nəzarət və Sularda Xilasetmə Dövlət Xidmətinin struktur bölmələri arasında keçirilən müsabiqədə Bakı şəhəri və Abşeron yarımadasında yerləşən xilasetmə məntəqələrinin əməkdaşları iştirak edib.
Açıq dənizdə və qapalı hovuzda təşkil edilən yarışa 20 komanda qatılıb. “Corat” məntəqəsinin komandası 1-ci, “Zuğulba” dalğıc-axtarış qrupunun komandası 2-ci, “Mərdəkan” məntəqəsinin komandası isə 3-cü yeri tutublar.
Qaliblərə Fövqəladə Hallar Nazirliyi işçilərinin Həmkarlar İttifaqının kubok, medal və diplomları təqdim olunub.
