Fövqəladə Hallar Nazirliyinin (FHN) Sumqayıt Regional Mərkəzi tərəfindən mülki müdafiə kursları keçirilib.
Sumqayıt24.az xəbər verir ki, bu barədə FHN məlumat yayıb.
“Xilasetmə manqa komandirləri” və “Təlim-tərbiyə işləri üzrə direktor müavinləri” kateqoriyaları üzrə təşkil olunan kurslarda kollektiv mühafizə vasitələrindən istifadə, təxliyə planlarının düzgün hazırlanması, təbii və texnogen xarakterli fövqəladə hadisələr zamanı düzgün davranış, xilasetmə alət və avadanlıqlarından istifadə qaydaları izah edilib, həmçinin mövzulara dair fotoslayd və videoçarxlar nümayiş etdirilib.
Sonda təlimləri müvəffəqiyyətlə başa vuran dinləyicilərə şəhadətnamələr təqdim edilib.
